usp0
عدد المساهمات : 2 20 : 49986 تاريخ التسجيل : 29/06/2017
| موضوع: الله يرحمك يا ستي ويرحم ايام زمان الخميس يونيو 29, 2017 6:57 am | |
| الله يرحمك يا ستي ويرحم ايام زمان الولايات المتحدة الفلسطينية زمان كانت الحجه من عز الصبح تقوم تغسل وتجلي وطشف بس الوظع الان تغير مع الموديل 2000 من نسوان موظه جديده
usp0 . c o m تفضل بدخول
كنت جايه من المدينه وجايبه معاك بركوك ساق الله خبز طابونك والشراك اللي فوق الصاج مركوك فيش عليكم مخبى ياناس اجتني ستي بالحلم وكالت خلينا لكم خير كوام كوام متلل ومتروك حتى الطير كان يشبع من خيرنا وليش ياستي تاركين اطفال بتموت في مخيم اليرموك بجاه النبي وعليك اسوك قول ياكاروط شو علينا حكوك قمت من نومي ياناس مفزوع ودموعي وحسرتي امضع ولوك ترى بدي اكلكم اصبحت عروبتنا واسلامنا امر فيه مشكوك راجع لكم فحم ارجيلتي ع النار شابب ومدعوك بلكي بعد النفس يهدى الراس ويروك سحبت النفس وخطر ع بالي كيف كنا نعيط على وطن وحوش مسروك واليوم زاد نوحي على زغاب الريش ماتوا من الجوع في اليرموك هي ديون علينا بنسددها من دمنا ولا كانت مطلوبه علينا بحجج وصكوك ياعرب تعب شعبنا من اللي جرى وصار خاير القوى منهوك واصبح ينشال خازوك ويندك غيره فينا مليون خازوك خازوك سخن اسخن من الشراك اللي على صاج ستي مركوك
بتعرفوا ما اشبه اليوم في امبارح ودايم الدوم هو دم الفلسطيني ليش ياعرب محلل وسايح بصبرا وشاتيلا وتل الزعتر سنو سكاكينهم وعن النطع مددوا رجالنا واطفالنا مثل اضاحي العيد والذبابح كال نحكي عن النخوه طيب ما انتو شايفين الكل فينا طايح بصبرا وشاتيلا وتل الزعتر واليرموك وماهان عليكم لما كانت غزه تحت الحصار والفلسطيني بدمه غرقانن وسايح الله يجعلكم ماتلاقوا حدا بيوم عليكم يكد الثوب او فوق قبركم نايح بيقولو عنا يا رايح كثر من الملايح والله ماشفنا مليحه لا من اللي راح جايين وتحت اباطهم سلام كله عار ولا تسأل عن الفضايح
قالوا لي صار النا ببلادنا سلطتين ثنتين قلت يا ناعق اخبار الشوم والبين احنا بسلطه وحده مش خالصين كيف عادا ان صارن عنا سلطتين ممكن علشان تكثر اصواتنا ويكون النا صوتين اثنين سلطه لصحاب اللحى والدين وثانيه لشلة لصوص وللأرض الوطن بايعين حتى للمساعدات وللهبات ناهبين انا مش ضد البيع بيعوا بس الله لا يردكم ما انتو شلحتوا في اوسلو اللي تحت البلاطين بس ماتنسو اطفال اليرموك وجموع الجعانين الله يرحم ايامك يا ستي ويرحم كل اهلنا والناس الطيبين نيالكم طوتكم الخرسا قبل ما تشوفوا عارنا وذلنا كان موتوا مرتين ثنتين
| |
|